მატიას დე ლიხტის სათამაშო ფორმა ისევ განსჯის საკითხია. 20 წლის ფეხბურთელმა „ინტერთან“ საკმაოდ ცუდი თამაში აჩვენა და არც ეროვნულ ნაკრებს გარჯილა უკეთესად.
ჩრდილოეთ ირლანდიასთან დე ლიხტმა ერთ ეპიზოდში ორმაგი შეცდომა დაუშვა, რაც ჰოლანდიას გაშვებულ გოლად დაუჯდა. ჯერ ბურთი ვერ ამოიტანა საჯარიმოდან, აეჭრა და შეტევა გაგრძელდა, ხოლო შემდეგ გოლის ავტორი ვერ აიყვანა და ბურთი თავზე გადააფრინდა.
დე ლიხტის ცუდ თამაშს ხაზი რონალდ კუმანმაც გაუსვა:
„დიახ, მატიასი ორჯერ შეცდა და არ ჰქონდა კარგი საღამო. მასთან ერთად ბლინდმაც ცუდი თამაში ჩაატარა“, – აღნიშნა კუმანმა.
ამავე შეხვედრაში დე ლიხტი ისტორიული მიღწევის ავტორი გახდა: ყველაზე ახალგაზრდა ჰოლანდიელმა, რომელსაც ეროვნულ ნაკრებში 20 მატჩი დაუგროვდა.