დე ლიხტი: “უფრო სწრაფად და მაღალი პრესინგით უნდა ვითამაშოთ”

ტურინის „იუვენტუსის“ მცველმა მატიას დე ლიხტმა „ფერენცვაროშთან“ (2:1) გამარჯვების შემდეგ კომენტარი გააკეთა. ნიდერლანდელი ფეხბურთელის განცხადებით, ძალიან რთული მატჩი იყო.

„რთული თამაში იყო. „ფერენცვაროში“ ვიწროდ თამაშობდა და რთული იყო თავისუფალი მოთამაშის პოვნა ხაზებს შორის. უფრო სწრაფად უნდა ვითამაშოთ მაღალი პრესინგით, დიდი სითამამით, რადგან ასე უფრო მეტი საგოლე შანსის შექმნას შევძლებთ“, – თქვა დე ლიხტმა.

შეგახსენებთ, რომ „იუვენტუსს“ 4 ტურის შემდეგ 9 ქულა აქვს და მერვედფინალის საგზური მოიპოვა. მომდევნო მატჩს ანდრეა პირლოს გუნდი შაბათს, სტუმრად „ბენევენტოსთან“ გამართავს.