ჩემპიონთა ლიგაზე “იუვეს” თამაშს ქალი იმსაჯებს

ჩემპიონთა ლიგის მეხუთე ტურში “იუვენტუსის” მატჩს კიევის “დინამოსთან” ფრანგი მსაჯი სტეფანი ფრაპარი იმსაჯებს. ეს ისტორიული მოვლენა იქნება, რადგან ჩემპიონთა ლიგაზე ქალი პირველად განსჯის შეხვედრას.

ფრაპარმა 2019 წელს ევროპის სუპერთასზე “ჩელსი” – “ლივერპულის” დაპირისპირება იმსაჯა.

შეგახსენებთ, რომ “იუვენტუსი” კიევის “დინამოს” 2 დეკემბერს, თბილისის დროით 23:55 საათზე დაუპირისპირდება. “იუვეს” მერვედფინალის საგზური უკვე მოპოვებული აქვს.