მთავარი / სიახლეები / სერია A / “ბრეშამ” “იუვენტუსის” შესახებ ბალოტელის უსაფუძვლო განცხადება დაგმო

“ბრეშამ” “იუვენტუსის” შესახებ ბალოტელის უსაფუძვლო განცხადება დაგმო

„ბრეშას“ თავდამსხმელმა მარიო ბალოტელიმ ინსტაგრამის ლაივ ვიდეოში „იუვენტუსის“ მისამართით შეტევა განხორციელა. იტალიელმა თქვა, რომ ჩემპიონატი იქამდე არ შეაჩერეს, სანამ „იუვენტუსი“ არ გალიდერდა.

„ჩემპიონატის შეწყვეტამდე მათ „იუვენტუსი“ სატურნირო ცხრილის სათავეში უნდა დაებრუნებინათ“, – თქვა ბალოტელიმ.

სამართლიანობისთვის უნდა ვთქვათ, რომ „ლაციო“ „იუვენტუსს“ 2 ქულით უსწრებდა, მაგრამ მხოლოდ იმიტომ, რომ „იუვეს“ „ინტერთან“ მატჩი 1 კვირით გადაიდო. შესაბამისად, ბალოტელის სიტყვები ცოტა არ იყოს, საფუძველს მოკლებულია, რადგან „ლაციო“ ლიდერი (თანაც მხოლოდ ერთი კვირა) იმიტომ იყო, რომ „იუვენტუსზე“ თამაშით მეტი ჰქონდა ჩატარებული.

აღსანიშნავია, რომ ბალოტელის მოსაზრებას მისი კლუბი „ბრეშა“ ოფიციალურად გამოეხმაურა და მარიოს სიტყვებს გაემიჯნა:

„ბრეშა“ ოფიციალურად ემიჯნება იმას, რაც მარიო ბალოტელიმ თქვა. თითქოს ჩემპიონატში ერთ გუნდს დაეხმარნენ პირველი ადგილის დაბრუნებაში. „ბრეშა“ ხაზს უსვამს, რომ ეს ფეხბურთელის პირადი მოსაზრებაა და კლუბთან კავშირი არ აქვს“, – ნათქვამია ლომბარდიელთა განცხადებაში.

შემთხვევითი სიახლე

გრავინა: “იუვენტუსს” სკუდეტოს მიღება სეზონის დაუსრულებლად არ უნდა”

იტალიის ფეხბურთის ფედერაციის პრეზიდენტმა გაბრიელე გრავინამ სერია A-ს მიმდინარე სეზონის განახლების შესახებ ისაუბრა. „ჩემპიონატის განახლება …

მარსელომ “იუვენტუსი” აირჩია

მადრიდის „რეალის“ მცველ მარსელოს „იუვენტუსში“ გადასვლა და მეგობარ კრიშტიანუ რონალდუსთან ერთად თამაში უნდა. Don Balon-ის …