მთავარი / სიახლეები / ბონუჩი: “სანაკრებო პაუზის შემდეგ თამაში ყოველთვის რთულია”

ბონუჩი: “სანაკრებო პაუზის შემდეგ თამაში ყოველთვის რთულია”

ტურინის „იუვენტუსის“ მცველმა ლეონარდო ბონუჩიმ „სპალთან“ (2:0) გამარჯვების შემდეგ კომენტარი გააკეთა. იტალიელი ფეხბურთელის განცხადებით, ეს მნიშვნელოვანი გამარჯვება იყო, მაგრამ ახლა კონცენტირებულნი ჩემპიონთა ლიგის მატჩზე არიან.

„სანაკრებო პაუზის შემდეგ თამაში ყოველთვის რთულია. დღეს მნიშვნელოვან შედეგს მივაღწიეთ და სატურნირო ცხრილის სათავეში დავრჩით. შესანიშნავი თამაში ჩავატარეთ, განსაკუთრებით გუნდური თვალსაზრისით.

ახლა სამშაბათისთვის ვემზადებით, რომ ჩემპიონთა ლიგაზე კვალიფიკაციის საკითხი დავხუროთ და შემდეგ პირველი ადგილისთვის „იანგ ბოიზს“ ვეთამაშოთ.

მანჯუკიჩი? – მარიო ყოველთვის მნიშნველოვანი ფიგურაა თავისი ქარიზმითა და ხასიათით. კმაყოფილი ვარ, რომ გოლის გატანა მოახერხა. კრიშტიანუც დიდი პროფესიონალი და შრომისმოყვარეა. „იუვენტუსმა“ მსოფლიოს საუკეთესო ფეხბურთელი შეიძინა“, – თქვა ბონუჩიმ.

შეგახსენებთ, რომ „იუვენტუსმა“ სერია A-ში 13 ტურის შემდეგ 37 ქულა დააგროვა და პირველ ადგილზეა. მომდევნო მატჩს კი 27 ნოემბერს, ჩემპიონთა ლიგაზე „ვალენსიასთან“ ჩაატარებს.

შემთხვევითი სიახლე

დანი ალვეში: “ზაფხულში “იუვენტუსში” დაბრუნების შანსი მქონდა”

„სან პაულუს“ ბრაზილიელმა მცველმა დანი ალვეშმა განაცხადა, რო გასულ ზაფხულს „იუვენტუსში“ დაბრუნება შეეძლო, მაგრამ სამშობლოში …

ალი დაეი: “რონალდუ ჩემს რეკორდს გააუმჯობესებს”

ტურინის „იუვენტუსის“ თავდამსხმელ კრიშტიანუ რონალდუს შანსი აქვს სანაკრებო დონეზე ყველაზე შედეგიანი ფეხბურთელი გახდეს ისტორიაში. პორტუგალიელს …