ბონუჩი: “საგოლე მომენტები უფრო მეტად უნდა გამოვიყენოთ”

ტურინის „იუვენტუსის“ მცველმა ლეონარდო ბონუჩიმ „ლეჩესთან“ მატჩის შემდეგ ისაუბრა. გამოცდილი ფეხბურთელის განცხადებით, გუნდმა მალე უნდა მოახერხოს განვითარება, წინააღმდეგ შემთხვევაში ქულებს ისევ დაკარგავს.

„ბევრი საგოლე მომენტი გვქონდა, მაგრამ ვერ გამოვიყენეთ და ეს საყურადღებოა, რადგან როდესაც ბევრ მომენტს ქმნი და ვერ იტან, რისკია, რომ თამაშის სურათი შეიცვალოს. უნდა ვიმუშაოთ და მეტი სურვილი გამოვავლინოთ. ეს არის ზრდის გზა, რომელსაც სწრაფად უნდა მივყვეთ, წინააღმდეგ შემთხვევაში მნიშვნელოვანი ქულების დაკარგვის საფრთხე იქნება. დღეს ეს მოხდა, მაგრამ საბედნიეროდ, ოთხშაბათს შანსი გვექნება, რომ გამარჯვება ისევ მოვიპოვოთ“, – აღნიშნა ბონუჩიმ.

შეგახსენებთ, რომ „იუვენტუსი“ მომდევნო მატჩს ტურინში, „ჯენოას“ წინააღმდეგ ჩაატარებს.