ბონიეკი: “ახალი მაისური? “სიენა” და “ასკოლი” გამახსენა”

ტურინის „იუვენტუსის“ ყოფილი ფეხბურთელი ზიბი ბონიეკი „ბებერი სინიორას“ ახალ მაისურს აკრიტიკებს. ლეგენდარული პოლონელის განცხადებით, ეს უფრო „სიენას“ ან „ასკოლის“ სტილია.

„სიენას“ მასიური გამახსენა, ასევე „ასკოლის“. ეს ნამდვილად არ მომწონს, როგორც „იუვენტუსის“ ყოფილ ფეხბურთელს. მომწონს ტრადიციული მაისური, როგორიც ადრე იყო. თუმცა, რას ვიზამთ, ახლა ყველაფერი ხდება და ეს სპონსორების დამსახურებაა, რომელთაც მაისურების გაყიდვა უნდათ“, – თქვა ბონიეკმა.

შეგახსენებთ, რომ „იუვემ“ მომავალი სეზონის საშინაო მაისურების პრეზენტაცია „რომასთან“ დაპირისპირებისას მოახდინა.