“ატლეტიკოში” ტრავმების ეპიდემიაა

მადრიდის „ატლეტიკოში“ ტრავმების ეპიდემიაა. ლა ლიგის ბოლო ტურში „უესკასთან“ შეხვედრაში ერთ-ერთი ლიდერი კოკე დაშავდა, რომელსაც მარჯვენა ბარძაყის დაზიანება აღენიშნება. აღნიშნულ ინფორმაციას „როხიბლანკოს“ ვებგვერდი ოფიციალურად იტყობინება.

ჯერჯერობით უცნობია, რა პერიოდი გაუცდება ესპანელ ნახევარმცველს, მაგრამ მინიმუმ 15 დღე იუქმებს. არსებობს რისკი, რომ „იუვენტუსთან“ ჩემპიონთა ლიგის პირველ მერდვედფინალურ მატჩშიც ვერ ითამაშოს.

გარდა ამისა, „ატლეტიკოს“ ტრავმირებული ჰყავს დიეგო კოშტა, სტეფან სავიჩი და საულ ნიგეზი. ამ შემთხვევაშიც შეიძლება, რომ ეს ფეხბურთელები „იუვეს“ ვერ დაუპირისპირდნენ. ყველაფერს ნათლად კი ახლო მომავალი გამოაჩენს.

შეგახსენებთ, რომ „იუვენტუსი“ ატლეტიკოს“ მადრიდში 20 თებერვალს ესტუმრება.