“ატალანტას” ფეხბურთელი: “კუადრადოსთან უხეშობისთვის წითელ ბარათს ვიმსახურებდი”

ბერგამოს „ატალანტას“ ფეხბურთელმა მარტენ დე რუნმა ტვიტერში დაწერა, რომ ხუან კუადრადოსთან უხეშობის გამო გაძევებას იმსახურებდა. ნიდერლანდელმა ფეხბურთელმა გულშემატკივრის პოსტს უპასუხა და კოლუმბიელ ნახევარმცველს ბოდიში მოუხადა.

„კარგი თამაში გქონდათ, მაგრამ კუადრადოზე ვარდნის გამო უნდა გაეძევებინეთ“, – წრს ტვიტერში ერთ-ერთი გულშემატკივარი.

დერუნმა მას უპასუხა და დაეთანხმა:

„გეთანხმებით. დავაგვიანე და ძალიან უხეშად ვითამაშე. მაგრამ, იმედი მაქვს, გესმით, რომ ეს განზრახ არ გამიკეთებია. კუადრადოს ბოდიშს ვუხდი“, – დაწერა ნიდერლანდელმა ფეხბურთელმა.

შეგახსენებთ, რომ მსაჯს დე რუნი არ გაუძევებია და არც ვიდეორეფერის გადაუმოწმებია ეპიზოდი…

Agree. I was too late and it was too hard. But I hope it’s clear that it was never my intention. Apologies to @Cuadrado https://t.co/YGuWcPPuDW

— Marten de Roon (@Dirono) December 16, 2020