მთავარი / სიახლეები / ანიელიმ 41 ათასიანი სტადიონის აშენების მიზეზი დაასახელა

ანიელიმ 41 ათასიანი სტადიონის აშენების მიზეზი დაასახელა

ტურინის „იუვენტუსის“ პრეზიდენტი ანდრეა ანიელი „სან სიროს“ საკითხს გამოეხმაურა, რომელიც ბოლო დღეებში იტალიური მედიის მთავარი სასაუბრო თემაა.

ანიელიმ „მილანსა“ და „ინტერს“ ახალ სტადიონზე გადასვლა ურჩია. გარდა ამისა, ისაუბრა კრიშტიანუ რონალდუს ტრავმაზეც:

„სან სირო“? ახალი სტადიონი საჭიროა, არ შეიძლება ვიყოთ ნისტალგიურები. სტადიონის გაზიარება სხვა გუნდთან? ჩემი გუნდი ასე რომ თამაშობდეს, შემაშფოთებელი იქნებოდა. ჩვენ ხშირად გვაკრიტიკებენ, რომ მხოლოდ 41 ათასიანი სტადიონი ავაშენთ. თუმცა, ჩვენი მიზანი ნათელი იყო, გვინდოდა სტადიონი ყოველთვის სავსე ყოფილიყო და არამხოლოდ დიდი მატჩების დროს.

რონალდუ? ჩვენდა საბედნიეროდ საკმაოდ დაბალანსებული და მაღალი დონის შემადგენლობა გვყავს. რონალდუ კარგადაა, თუმცა უმჯობესია არ გავრისკოთ, მაქსიმალურად დავიცავთ მას, რადგან უფრო მნიშვნელოვანია სეზონის ბოლო ნაწილზე ფიქრი, ვიდრე ერთ კონკრეტულ თამაშზე“, – განაცხადა ანიელიმ.

შემთხვევითი სიახლე

დი მარია: “უცნაურია ცხრილის შუაში ყოფნა და რთულია კონცენტრაციის შენარჩუნება”

ტურინის „იუვენტუსის“ ფეხბურთელმა ანხელ დი მარიამ „მონცასთან“ მარცხის (0:2) შემდეგ კომენტარი გააკეთა. როგორც მან აღნიშნა, …

“იუვენტუსმა” “მონცასთანაც” წააგო

ტურინის „იუვენტუსს“ ძალიან მძიმე დროება უდგას – მოედანზეც და მოედანს მიღმაც. მასიმილიანო ალეგრის გუნდმა სერია …