მთავარი / სიახლეები / ანდრეაცოლი: “ტურინში სამი ქულისთვის ვითამაშებთ”

ანდრეაცოლი: “ტურინში სამი ქულისთვის ვითამაშებთ”

„ემპოლის“ მთავარმა მწვრთნელმა აურელიო ანდრეაცოლიმ „იუვენტუსთან“ მატჩის წინ პრესკონფერენცია გამართა. იტალიელი სპეციალისტის განცხადებით, მეტოქე ძლიერია, მაგრამ ტურინში მისი გუნდი სამი ქულისთვის ითამაშებს.

„ამ ბოლო თამაშებს მაქსიმალური კონცენტრაციით უნდა შევხვდეთ და მაქსიმალური ქულები მოვიპოვოთ. „იუვენტუსს“ ძალიან დიდ პატივს ვცემთ, მაგრამ ტურინშიც სამი ქულისთვის ვითამაშებთ. ვიცით, რომ ჩვენი მეტოქე მსოფლიოში ერთ-ერთი საუკეთესოა და ეს დამატებითი მოტივაციაა.

ყურადღებით უნდა ვიყოთ მათი დადებითი თვისებებისადმი, რომელიც ძალიან ბევრი აქვთ. რონალდუ არ იქნება? რა თქმა უნდა, მას შეუძლია ბალანსის შეცვლა, მაგრამ „იუვეს“ სხვა ბევრი ფეხბურთელი ჰყავს, რომელთაც გადამწყვეტი სიტყვის თქმა შეუძლიათ.

საჯარიმოში ავტობუსი? ეს არაა სწორი დამოკიდებულება. იმედი გვაქვს, რომ შეგვიძლია დადებითი შედეგის მიღწევა და ჩვენი იდეების განხორციელება. უნდა ვცადოთ ბურთის მაქსიმალური კონტროლი, თუმცა დაცვაში კარგი თამაშიც საჭიროა. ჩვენ მაქსიმუმს გავაკეთებთ“, – აღნიშნა ანდრეაცოლიმ.

შეგახსენებთ, რომ „იუვენტუსისა“ და „ემპოლის“ შეხვედრა 30 მარტს, თბილისის დროით 21:00 საათზე გაიმართება.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …