ანდრეა პირლო “იუვენტუსში” ბრუნდება

ანდრეა პირლო „იუვენტუსში“ ბრუნდება. იტალიური მედიის ცნობით, ლეგენდარული ფეხბურთელი დიდი ალბათობით, სულ მალე „იუვეს“ 23-წლამდე გუნდს ჩაიბარებს, რომელიც იტალიის სერია C-ში თამაშობს.

ხსენებულ ლიგაში ტურინელთა მეორე გუნდი მე-12 ადგილზეა, რის გამოც გუნდის ხელმძღვანელობა უკმაყოფილოა. სწორედ ამიტომ მაურო ძირონელის შეცვლას პირლოთი აპირებენ.

აღსანიშნავია, რომ ანდრეას სერია C-ში მუშაობისთვის საჭირო სამწვრთნელი ლიცენზია აღებული აქვს.

შეგახსენებთ, რომ პირლო „იუვენტუსში“ 2011-2015 წლებში თამაშობდა და დღემდე ტურინში ცხოვრობს.