ტურინის „იუვენტუსი“ „სასუოლოსთან“ მატჩამდე ორი დღით ადრე მზადებას განაგრძობს. როგორც კლუბის ვებგვერდი იტყობინება, ალექს სანდრომ ტრავმა სრულად მოიშუშა და გუნდთან ერთად ვარჯიში სრული დატვირთვით, ბოლომდე ჩაატარა.
ეს ნიშნავს, რომ ბრაზილიელი გუნდს უბრუნდება და დიდი ალბათობით, „ნეროვერდისთან“ ძირითად შემადგენლობაში იქნება.
რაც შეეხება კიდევ ერთ ტრავმირებულ ადრიენ რაბიოს, ფრანგი კვლავ პერსონალურად ემზადება და განაცხადში მისი მოხვედრა პრაქტიკულად წარმოუდგენელია.
შეგახსენებთ, რომ „იუვენტუსისა“ და „სასუოლოს“ მატჩი კვირას, 1 დეკემბერს, თბილისის დროით 15:30 საათზე დაიწყება.