ალექს სანდრო: “ჩემთვის საუკეთესო საჩუქარი “ლაციოსთან” გამარჯვება იქნება”

ტურინის „იუვენტუსის“ მცველი ალექს სანდრო დღეს 28 წლის გახდა. ბრაზილიელი ფეხბურთელი JTV-სთან საუბარში ამბობს, რომ მისთვის საუკეთესო საჩუქარი „ლაციოსთან“ გამარჯვება იქნება.

„ოლიმპიკოზე“ გამარჯვებისთვის უნდა წავიდეთ: ეს იქნება საუკეთესო საჩუქარი ჩემი დაბადების დღისთვის. ამ კვირაში კარგად ვიმუშავეთ და მოვემზადეთ ამ მატჩისთვის. „ლაციო“ არის გუნდი, რომელთანაც გამკლავება ძნელია, რთული მატჩი იქნება“, – აღნიშნა ბრაზილიელმა.

შეგახსენებთ, რომ „ლაციოსა“ და „იუვენტუსის“ შეხვედრა 27 იანვარს გაიმართება.