L'ultima conferenza stampa pre partita di Max Allegri

L'ultima conferenza stampa pre partita di Max Allegri

Gepostet von VB Channel - Video Juventus am Samstag, 25. Mai 2019
მთავარი / გალერეა / ალეგრის ბოლო მატჩისწინა პრესკონფერენცია “იუვენტუსში”

ალეგრის ბოლო მატჩისწინა პრესკონფერენცია “იუვენტუსში”

მასიმილიანო ალეგრიმ „იუვენტუსის“ მთავარი მწვრთნელის პოსტზე ბოლო მატჩისწინა პრესკონფერენცია გამართა. იტალიელმა სპეციალისტმა მხოლოდ ხვალინდელი შემადგენლობა დაასახელა და ჟურნალისტებს მადლობა გადაუხადა.

„აქ მხოლოდ დასამშვიდობებლად და ხვალინდელი მატჩის შემადგენლობის გამოსაცხადებლად მოვედი. ხვალ კარში პინსოლიო იქნება. ითამაშებენ კასერესი, რუგანი, კიელინი, დე შილიო, კუადრადო, ემრე ჯანი, ბენტნაკური, პერეირა, დიბალა და კინი.

შჩესნის მუხლზე პრობლემა აქვს და მომდევნო კვირებში გამოკვლევის ჩატარება მოუწევს. კრიშტიანუ ხვალ არ ითამაშებს, რადგან სანაკრებო მატჩების წინ დასვენება სჭირდება და ეს სწორია, რადგან სხვები გავლენ მოედანზე. მატუიდისა და ბერნარდესკის დისკვალიფიკაცია აქვთ, კანსელუმ და მანჯუკიჩმა ცხვირის ოპერაცია გაიკეთეს. ალექს სანდრომ და დუგლას კოშტამ კი გამოჯანმრთელება ვერ მოასწრეს. სპინაცოლას მდგომარეობას ხვალ დავაკვირდებით და თუ უკეთ იქნება, პერეირას ნაცვლად ნახევარდაცვაში ითამაშებს.

ხვალ კარგი თამაშით უნდა დავასრულოთ სეზონი ძალიან კარგი გუნდის წინააღმდეგ. ჯამპაოლომ დაამტკიცა შარშან კარგად შეასრულებული სამუშაო შემთხვევითობა რომ არ იყო. მადლობა ყველას“, – თქვა ალეგრიმ.

შეგახსენებთ, რომ „სამპდორიასა“ და „იუვენტუსის“ შეხვედრა კვირას, 26 მაისს გაიმართება და 2018-2019 წლების სეზონი და მასიმილიანო ალეგრის ტურინული ეპოქაც ოფიციალურად დასრულდება.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …