fbpx
მთავარი / სიახლეები / ალეგრის ბედი ანიელისთან შეხვედრის შემდეგ გადაწყდება

ალეგრის ბედი ანიელისთან შეხვედრის შემდეგ გადაწყდება

მასიმილიანო ალეგრის „იუენტუსში“ დარჩენის საკითხი გადაწყვეტილი არაა. მიუხედავად იმისა, რომ „აიაქსთან“ მარცხი შემდეგ ალეგრიმაც და ანდრეა ანიელიმაც საჯაროდ დაადასტურეს, რომ ისინი თანამშრომლობას აგრძელებენ, ასე სულაც არაა.

Gazzetta Dello Sport-ის ცნობით, უახლოეს ხანებში, მას შემდეგ, რაც „იუვე“ ზედიზედ მერვე სკუდეტოს გაიფორმებს, ანიელი და ალეგრი დახურულ კარს მიღმა ისაუბრებენ. სწორედ ამ შეხვედრაზე გადაწყდება ყველაფერი.

საკითხი ასე დგას: თუ ანიელი და ალეგრი ჩათვლიან, რომ ერთად კიდევ შეუძლიათ განვითარება, მაშინ ალეგრი არათუ დარჩება დაკავებულ პოსტზე, არამედ კონტრაქტსაც გაახანგრძლივებს 2021 ან 2022 წლამდე.

წინააღმდეგ შემთხვევაში კი ხელშეკრულება გაწყდება და ალეგრისაც 5 წლის შემდეგ ბარგის ჩალაგება მოუწევს. ასეთ შემთხვევაში ძალზე რეალური გახდება ანტონიო კონტეს დაბრუნება, რის შესახებაც უკვე დაიწერა.

ვნახოთ, ერთი რამ ნათელია – ყველაფერი სეზონის ბოლომდე გაირკვევა. შეგახსენებთ, რომ ალეგრის მოქმედი კონტრაქტი 2020 წლის ზაფხულში იწურება.

შემთხვევითი სიახლე

პარატიჩი პოჩეტინოს თაობაზე აგენტს შეხვდა

ტურინის „იუვენტუსის“ სპორტული დირექტორი ფაბიო პარატიჩი მილანის ერთ-ერთ სასტუმროში ფრენკ ტრიმბოლის შეხვდა. აღნიშნულ ინფორმაციას Calciomercato …