ალეგრი: “კარგი თამაში გამოვიდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „ინტერთან“ (1:1) ფრის შემდეგ კომენტარი გააკეთა. იტალიელი სპეციალისტი მეორე ტაიმით და ზოგადად, თამაშით კმაყოფილი დარჩა.

„შესანიშნავი მეორე ტაიმი ჩავატარეთ და ეს ადვილი არ ყოფილა, რადგან „ინტერი“ ჩემპიონთა ლიგაზე გასასვლელად იბრძვის და იბრძოლა. მეტოქის კონტრშეტევებისას რამდენჯერმე გავრისკეთ და ამ კუთხით თამაში უნდა გავაუმჯობესოთ. ყველა შემთხვევაში ამ თამაშით ნასიამოვნები დავრჩი“, – აღნიშნა ალეგრიმ.

შეგახსენებთ, რომ „იუვენტუსი“ მომდევნო მატჩს „ტორინოსთან“ ჩაატარებს.