მთავარი / სიახლეები / ალეგრი: “ძალიან კმაყოფილი ვარ”

ალეგრი: “ძალიან კმაყოფილი ვარ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „ფიორენტინასთან“ გამარჯვების და იტალიის ჩემპიონობის შემდეგ კომენტარი გააკეთა.

იტალიელი სპეციალისტის განცხადებით, გუნდმა მნიშვნელოვან შედეგს მიაღწია.

„ძალიან კმაყოფილი ვარ, მნიშვნელოვანი მიღწევაა. მერვე სკუდეტო ხუთი ტურით ადრე მოვიგეთ და ეს ნიშნავს იმას, თუ რამდენად კარგად ვიმუშავეთ. გასულ წლებში უფრო მეტად გვემუქრებოდა გარკვეული საფრთხეები, მაგრამ წელს ასე არ ყოფილა და ალბათ კალენდრის გამოც ჩავარდნა არ გვქონია. გადამწყვეტი თამაში? ბოლონიაში, როდესაც გავიმარჯვეთ მადრიდში განცდილი მარცხის შემდეგ და ამას ნეაპოლში მოგებაც მივაყოლეთ.

ვრჩები, მაგრამ ხელმძღვანელობას შევხვდები და სამომავლო გეგმებზე ვისაუბრებთ“, – თქვა ალეგრიმ.

შეგახსენებთ, რომ „იუვენტუსმა“ ზედიზედ მერვედ მოიპოვა სკუდეტო.

შემთხვევითი სიახლე

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …

მოჯი: “ალეგრის არ გაათავისუფლებენ და მას სიტუაციის შეცვლა შეუძლია”

ტურინის „იუვენტუსის“ ყოფილმა გენერალურმა დირექტორმა ლუჩანო მოჯიმ განაცხადა, რომ მასიმილიანო ალეგრის არ გაათავისუფლებენ. მოჯი ფიქრობს, …