აბიდალი: “დე ლიხტს “ბარსელონაში” მუდმივი სათამაშო პრაქტიკა არ ექნებოდა და “იუვეში” ამიტომ გადავიდა”

„ბარსელონას“ მენეჯერმა ერიკ აბიდალმა მატიას დე ლიხტის შესახებ ისაუბრა და განაცხადა, რომ „იუვენტუსში“ მუდმივი სათამაშო პრაქტიკის გამო გადავიდა.

„დე ლიხტს ჩვენთან მოსვლა არ უნდოდა. ის არის ფეხბურთელი, რომელსაც თამაში მუდმივად სურს, მაგრამ „ბარსელონაში“ ამის გარანტია არავის აქვს. საბოლოოდ, ამიტომ „იუვენტუსში“ გადავიდა, ის მაღალი დონის მცველია და წარმატებებს ვუსურვებთ“, – თქვა აბიდალმა.

შეგახსენებთ, რომ დე ლიხტი „იუვენტუსში“ 75 მილიონი ევროს სანაცვლოდ გადავიდა.