“ლაციო” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს მე-13 ტურში რომში, „ლაციო“ ლეონარდო ბონუჩის დუბლით 2:0 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6.5 – ყოველთვის, როცა ის საჭირო იყო, კარგად ითამაშა.

დანილო შ.გ – მატჩის დასაწყისშივე დაშავდა.

კულუშევსკი 5.5 – რამდენიმე სახიფათო კონტრშეტევა მისი არაზუსტი მოქმედების გამო ჩაიშალა. მეორე ტაიმში უკეთესი იყო და მეორე პენალტის შეტევაც მისი პასით დაიწყო.

ბონუჩი 7.5 – ყველა ასე ფიქრობდა დ ამის უარყოფას აზრი არ აქვს: „რატომ არ დაარტყა პენალტი შვეიცარიასთან?“ ცივსისხლიანი პენალტის ნიშნულიდან და ის გახდა სერია A-ში ბოლო 10 სეზონის ყველაზე შედეგიანი მცველი.

დე ლიხტი 7 – ის ძალიან კარგი იყო და ორთაბრძოლა პრაქტიკულად არ წაუგია.

პელეგრინი 6.5 – ლაძარისთან ნერვული დუელი ჰქონდა და მან მოიგო.

კუადრადო 6 – არ ბრწყინავდა, მაგრამ დაცვით ფაზაში თავისი საქმე გააკეთა. ბოლოს ერთი არაზუსტი პასი გააკეთა და ალეგრი გააბრაზა.

მაკკენი 6 – ბევრი შავი სამუშაო შეასრულა.

ლოკატელი 6.5 – დაცვის წინ ითამაშა, ძალიან ჭკვიანურად.

ბენტანკური შ.გ – მან ბოლო წუთები გაატარა მოედანზე.

რაბიო 6.5 – რამდენიმე არაზუსტი პასი ჰქონდა, მაგრამ ამ შემთხვევაში კარგი თამაში ჩაატარა.

კიეზა 7.5 – კონტრშეტევებზე ნამდვილი ჩემპიონია. რამდენჯერმე კარგი პასი გაუკეთა თანაგუნდელებს 1:0-ზე და „იუვეს“ შეეძლო თამაშის მანამდე დახურვა თანაგუნდელებს უკეთ რომ ესარგებლათ.

მორატა 6 – პენალტი გამოიმუშავა, აშკარა საგოლე მომენტი გაანიავა და კიდევ ჰქონდა შეცდომები. ნებისმიერ შემთხვევაში ამ მატჩში მნიშვნელოვანი იყო.

კინი 6 – კონტრშეტევებზე შეუძლია დამანგრეველი ფეხბურთელები იყოს, რამდენჯერმე შექმნა რიცხობრივი უპირატესობა, მაგრამ ბოლო მომენტებში შეცდომები ჰქონდა.

ალეგრი 7 – „იუვემ“ ორი პენალტით მოიგო სარის „ლაციოსთან“. მოიგო დამსახურებულად, მიუხედავად რამდენიმე მნიშვნელოვანი ფეხბურთელის დანაკლისისა.