ტურინის “იუვენტუსმა” ერთდღიანი პაუზისა და დასვენების შემდეგ ვარჯიში განაახლა. მასიმილიანო ალეგრის გუნდმა ფლორენციის “ფიორენტინასთან” ძალიან მნიშვნელოვანი თამაშისთვის მზადება დაიწყო.
გუნდს დაუბრუნდა აარონ რემზი, რომელსაც ტრავმის გამო ბოლო მატჩები გაუცდა. თუმცა, უელსელი ალეგრისთვის ძირითადი შემადგენლობის წევრად არ განიხილება და მითუმეტეს ახლა, როცა ის ლაზარეთიდან ახლახან დაბრუნდა.
შეგახსენებთ, რომ “იუვენტუსი” სერია A-ს მე-12 ტურში “ფიორენტინას” უმასპინძლებს და მატჩი 6 ნოემბერს, თბილისის დროით 21:00 საათზე გაიმართება.