ტურინის „იუვენტუსის“ გამარჯვებაზე „ფრაიბურგის“ წინააღმდეგ ალესანდრო დელ პიერომ ისაუბრა. როგორც მან თქვა, ეს ძალიან მნიშვნელოვანი იყო, ისევე, როგორც დუშან ვლაჰოვიჩისა და ფედერიკო კიეზასთვის გოლები, რაც მათ მორალურად გააძლიერებს.
„ეს არ იყო უბრალო გამარჯვება, მაგრამ მნიშვნელოვანი. ვლაჰოვიჩისა და კიეზასთვის გოლები მორალურად ძალიან მნიშვნელოვანი იყო, სტრატეგიულად „იუვემ“ იდეალურად ითამაშა და ასეთი ფუნდამენტური თამაშის შემდეგ მომდევნო ეტაპზე გავიდა. ცოტათი გუნდს გაუჭირდა, მაგრამ მთლიანობაში „იუვემ“ დავალება კარგად შეასრულა.
ვლაჰოვიჩის პენალტი? კარგად დაარტყა, იმ უბრალო მიზეზის გამო, რომ გოლი გაიტანა. ტექნიკურად არ იყო დიდებული არჩევა, რადგან მეკარემ თითქმის მოიგერია, მაგრამ როდესაც გოლი გადის, ყოველთვის მართალი ხარ“, – თქვა დელ პიერომ.
შეგახსენებთ, რომ „იუვენტუსი“ მეოთხედფინალში მეტოქეს 17 მარტს წილისყრით შეიტყობს, ხოლო მომდევნო მატჩს 19 მარტს, სტუმრად „ინტერთან“ ჩაატარებს.