ალეგრი: “ძალიან გაგვიხარდა, რომ დელ პიერო სტადიონზე მოვიდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „ვერონასთან“ მატჩის (1:0) შემდეგ კომენტარი გააკეთა. როგორც იტალიელმა სპეციალისტმა აღნიშნა, მისი გუნდი მხოლოდ თამაშიდან თამაშამდე ფიქრობს.

„სირთულეებმა განაპირობა ის, რომ ბოლო 5 წუთი კარგად ვერ ვითამაშეთ. ცოტა მეტი პასი უნდა გაგვეკეთებინა, რომ რისკზე არ წავსულიყავით. ყველაფერი შეიძლება მოხდეს ერთ წუთში და ახლა აქ ვიქნებოდით ჩვენი ჭრილობების დასაამებლად

ბიჭები ძალიან ყოჩაღები იყვნენ. ჩემპიონთა ლიგის ზონა? თუ კარგად თამაშობ, ნორმალურია, რომ კონკურენტებთან ჩამორჩენას ამცირებ. პატარა ნაბიჯი უნდა გადავდგათ და შემდეგ ვნახოთ რა მოხდება „ლაციოსთან“ მატჩში. კინი, ვლაჰოვიჩი და მილიკი? იმედი ვიქონიოთ, რომ ფინალში გავიდეთ, შემდეგ ერთი ერთ მატჩში ითამაშებს, მეორეში მეორე, მესამეში – მესამე. ვლაჰოვიჩი საქმეს კარგად აკეთებს, მაგრამ მესმის, რომ გარედან დუშანს სხვანაირად აღიქვამენ, რომელმაც „იუვეს“ პრობლემები უნდა გადაჭრას, მაგრამ აქ თამაში არ არის ისეთი, როგორიც სხვა გუნდები. წელს ტექნიკურ დონეზე ის უკეთესად მუშაობს, ის მშვიდად უნდა დარჩეს, მას მხოლოდ გაუმჯობესება შეუძლია, როგორც ამას კინი აკეთებს. არ უნდა დაგვავიწყდეს, რომ დღეს მოედანზე ბევრი ახალგაზრდა გვყავდა.

„იუვეს“ ფეხბურთელების გარეშე იტალიის ნაკრები? მანჩინი იმდენად კარგია, რომ მან თავისი შეფასებები გააკეთა და მიზანშეწონილად არ ჩათვალა „იუვედან“ ვინმეს გამოძახება. ის კარგად მუშაობს ნაკრებისთვის, ჩვენ ვმუშაობთ „იუვეში“, სადაც ბევრი ახალგაზრდა ფეხბურთელი წამოვწიეთ, რომლებიც იტალიის ნაკრების ნაწილიც იქნებიან.

რთული და ბინძური მატჩი იყო. „ვერონა“ გაიძულებს, რომ ცუდად ითამაშო. ლოკატელი კარგად რეაგირებს იტალიის ნაკრებს მიღმა დარჩენაზე, მანუელი ძალიან გაიზარდა ტექნიკურ დონეზე, ის უფრო მოძრაობა, მაგრამ მას შეუძლია გაუმჯობესება და გარკვეული ტიპის თამაშებში უნდა გაუმჯობესდეს. გარდა ამისა, ის გულით და ვნებით თამაშობს.

ქულების დაკლების შემდეგ გვქონდა მხოლოდ 23 ქულა, ნელ-ნელა სხვებს დავეწიეთ. მოედანზე 59 ქულა გვაქვს მოპოვებული, 9-თ მეტი, ვიდრე „ინტერს“, 11-ით მეტი, ვიდრე „მილანს“, 7-ით მეტი, ვიდრე „ლაციოს“. ჩვენ თამაშიდან თამაშამდე ვიყურებით, მაგრამ არ მგონია, რომ ჩვენი კონკურენტები ყველა თამაშს წააგებენ.

დელ პიერო სტადიონზე? ის საოცარი ფეხბურთელი და „იუვეს“ სიმბოლო იყო. ძალიან გაგვიხარდა, რომ სტადიონზე მოვიდა. ვხედავ თუ არა, კლუბის მენეჯმენტში? ეს ყველაფერი კლუბის გადასაწყვეტია, ჩვენ მოედანზე ვფიქრობთ“, – თქვა ალეგრიმ.

შეგახსენებთ, რომ „იუვემ“ 44 ქულა დააგროვა და ჯერ ისევ მეშვიდე ადგილზეა, მაგრამ მეოთხე ადგილს 4 ქულით ჩამორჩება. მომდევნო მატჩს მასიმილიანო ალეგრის გუნდი სამშაბათს იტალიის თასზე „ინტერთან“ ჩაატარებს, ხოლო სერია A-ში 8 აპრილს, სტუმრად „ლაციოს“ დაუპირისპირდება.