მთავარი / სიახლეები / შჩესნი: “100%-ით “იუვენტუსში” ვრჩები”

შჩესნი: “100%-ით “იუვენტუსში” ვრჩები”

ვოიცეხ შჩესნიმ „იუვენტუსის“ დატოვება გამორიცხა. როგორც პოლონელმა მეკარემ განაცხადა, კლუბის წარმომადგენლებთან ისაუბრა და 100%-ით იტალიურ გრანდში რჩება.

თუ პოლონელის სიტყვები მართალია, მაშინ გამოდის, რომ ჯანლუიჯი დონარუმას ტრანსფერი არ შედგება, რადგან „იუვეს“ არ აქვს ფინანსური რესურსი, რომ ორ მეკარეს ესოდენ დიდი ხელფასი უხადოს.

„ხანგრძლივი დუმილის შემდეგ მე მქონდა კონტაქტი „იუვესთან“ და მითხრეს, რომ არავის ეპარება ეჭვი ჩემს პოზიციაში, როგორც ნომერი პირველი. ამ საკითხში არაფერი იცვლება. კლუბი მენდობა და 100%-ით არ გამყიდის, ჩემის მხრივ, მეც ვაპირებ დარჩენას, შეთანხმება იდეალურია.

ალეგრი? არ ვიცი გადამწყვეტი იქნება თუ არა, მაგრამ ნამდვილად მნიშვნელოვანია. ჩვენ პატივს ვცემთ ერთმანეთს და წარსულში დიდი თანამშრომლობა გვქონდა. ვფიქრობ, ალეგრი მაფასებს არა მხოლოდ როგორც მეკარეს, არამედ როგორც ადამიანს, მისთვის ეს ბოლო ასპექტი ძალიან მნიშვნელოვანია.

პირლო? ვფიქრობ, რომ მას აქვს ცოდნა, უნარ-ჩვევები და იდეები. მისი მუშაობა კლუბს შედეგს უახლოეს მომავალში გამოიღებს. ხშირად ყველაფერი განსხვავებულად გამოიყურება შიგნიდან და გარედან. ჩემს ცხოვრებაში ბევრი მწვრთნელი მყავდა და ვფიქრობ, შემიძლია მსჯელობა ძალიან რაციონალური, ცივი გზით. ანდრეას წარმატებებს ვუსურვებ და ვიცი, სადაც არ უნდა წავიდეს, საქმეს კარგად გააკეთებს, რადგან უკვე შესანიშნავი მწვრთნელია“, – თქვა შჩესნიმ.

შემთხვევითი სიახლე

ზაკარია: “იუვე” ძალიან უკნიდან თამაშობდა, ალეგრისთან კონტაქტი თითქმის არ მქონდა”

ტურინის „იუვენტუსის“ ყოფილმა ფეხბურთელმა დენის ზაკარიამ განაცხადა, რომ იტალიაში მისი სტილისთვის შესაფერისი ფეხბურთი არ არის, …

დე ლიხტი: “ბაიერნს” ჩემპიონთა ლიგის მოგების უფრო დიდი ამბიცია აქვს, ვიდრე “იუვეს”

ტურინის „იუვენტუსის“ ყოფილმა მცველმა მატაის დე ლიხტმა განაცხადა, რომ მისი კარიერისთვის „ბაიერნში“ გადასვლა წინ გადადგმული …