მთავარი / სიახლეები / სერია A / “სასუოლო” – “იუვე”: ფეხბურთელთა შეფასებები

“სასუოლო” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს 34-ე ტურში სტუმრად „სასუოლო“ პაულო დიბალსა და მოიზე კინის გოლებით 2:1 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – საშუალო შეფასება, რომელიც დაიმსახურა იმ სეივების გამო, რომელიც 0:0-მდე ჰქონდა. გოლი თავის კუთხეში გაუშვა.

დე შილიო 6 – ცუდისა და კარგის გარეშე. მთლიანობაში ტრაორემ „იუვენტუსის“ დაცვას პრობლემები ვერ შეუქმნა.

ბონუჩი 6.5 – „სასუოლო“ მისი ზონიდან უტევდა, მაგრამ დროის გასვლასთან ერთად მოუმატა. „იუვეს“ მეორე გოლი მისი შესანიშნავი გრძელი პასით დაიბადა.

რუგანი 5.5 – არ იყო თავდაჯერებული.

კიელინი 6.5 – დაცვაში ყველაფერი თავის ადგილზე დააყენა.

ალექს სანდრო 5.5 – ბერარდი მას ყოველთვის პრობლემებს უქმნიდა.

ბერნარდესკი 6 – ვერაფერი შექმნა, მაგრამ არც ნეგატიური თამაში ჰქონდა. ამ შემთხვევაში არ შეიძლება მას მოლოდინის გაცრუება ვუწოდოთ.

მირეტი შ.გ – ახალგაზრდა ფეხბურთელმა ბოლო წუთები ითამაშა.

ზაკარია 6.5 – კარგად ითამაშა, მათ შორის დიბალაზე საგოლე პასიც გააკეთა.

დანილო 6 – არ იყო 100%-ით მზად, მაგრამ ითამაშა და ძვირფასი როლი შეასრულა ნახევარდაცვაში.

რაბიო 5.5 – უკან გადადგმული ნაბიჯი ბოლო მატჩებთან შედარებით. როგორც სუფთა ნახევარმცველი ბევრად სასარგებლოა, ფლანგზე უჭირს.

დიბალა 7 – რამდენიმე შეცდომა დაუშვა, მაგრამ დიდებული გოლი გაიტანა. მეორე ტაიმის დასაწყისში შეცვალეს და რობი ბაჯოს შედეგამდე 1 გოლი აკლია, რომ „იუვენტუსის“ ყველა დროის ბომბარდირებში მეცხრე ადგილზე გადავიდეს.

ვლაჰოვიჩი 5.5 – ერთი ყველას წინააღმდეგ, არც ისე კარგად იმუშავა, მინიმუმ „სასუოლოსთან“.

მორატა 5.5 – მან დაკარგა ბურთი „სასუოლოს“ საგოლე შეტევის დასაწყისში. შემდეგ მოიპოვა ბურთი დიბალას გამათანაბრებელი გოლის შეტევაში. კარგსა და ცუდს შორის იყო. გოლის გატანაც შეეძლო.

კინი 7 – როგორც მინიმუმ ცდილობდა. უმნიშვნელოვანესი გოლი გაიტანა.

ალეგრი 6 – მოიგო, ბინძური და ცუდი თამაშით, როგორც მას მოსწონს. მაგრამ ეს „იუვე“ გულშემატკივარს ვერაფრით ართობს, მიზნები ასე თუ ისე თითქმის მიღწეულია.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …