“სალერნიტანა” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს 21-ე ტურში „სალერნიტანა“ დუშან ვლაჰოვიჩის დუბლით და ფილიპ კოსტიჩის გოლით 3:0 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – პრაქტიკულად არაფრის გაკეთება არ დასჭირდა.

დანილო 6 – მისთვის ჩვეულებრივი თამაში.

ბრემერი 6.5 – მეორე სართულზე ყველა ბურთი მისია.

ალექს სანდრო 6 – თავისი პოზიცია შფოთვის გარეშე გააკონტროლა.

დე შილიო 6.5 – კარგი თამაში, კარგი პასუხი „ალიანც სთედიუმის“ სტვენაზე, მარჯვნივ დაიწყო და მარცხნივ დაასრულა.

ილინგ-ჟუნიორი შ.გ – მან ბოლო წუთები ითამაშა.

მირეტი 6.5 – გადამწყვეტი მოქმედების დროც მოვიდა და პენალტი მოიპოვა. სერიოზული ტრავმის შიშია, მაგრამ იმედია, საქმე მხოლოდ ძლიერ დაჭიმულობასთან გვაქვს.

ფაჯოლი 7 – თამაშში სწრაფად ჩაერთო, მოიპარა ბურთი და საგოლე პასი გააკეთა.

ლოკატელი 6.5 – ალეგრიმ ის „იუვეს“ სიმბოლოდ აირჩია, ბალანსის თვალსაზრისით ფუნდამენტურია.

რაბიო 6 – გამოცდილებით ახერხებს ნაკლოვანობების დაფარვას.

კოსტიჩი 7 – მან უნდა დაიბრუნოს ბრწყინვალე, მაგრამ თავისთვის და გუნდისთვის მნიშვნელოვანი გოლი გაიტანა.

კუადრადო 6 – მან „იუვეში“ 290-ე თამაში ჩაატარა.

დი მარია 7 – სტატისტიკაში არ ჩანს, მაგრამ პირველი საგოლე შეტევა მან დიდებული პასით დაიწყო, რასაც პენალტი მოჰყვა. ვლაჰოვიჩს პენალტიც დაუთმო, დუშანს უფრო სჭირდებოდა. ხარიხამ ულამაზესი გოლი წაართვა.

კიეზა 6 – მეორე თავდამსხმელად ითამაშა ვლაჰოვიჩის გვერდით და რიტმის დაბრუნებას ცდილობს.

ვლაჰოვიჩი 7.5 – გოლები გაიტანა. თუ კარგადაა, „იუვე“ მის გარეშე ვერ ითამაშებს.

კინი 6 – კარგად ჩაერთო და ბურთი ძელსაც გაარტყა.

ალეგრი 7 – ამჯერად „იუვესთვის“ ყველაფერი ადვილია, ახლა ყოველი გამარჯვება შეიძლება ფუნდამენტური იყოს.