მთავარი / სიახლეები / რა შეიცვალა ნოემბერში მიღწეული შეთანხმების შემდეგ და რატომ ტოვებს დიბალა “იუვეს”?

რა შეიცვალა ნოემბერში მიღწეული შეთანხმების შემდეგ და რატომ ტოვებს დიბალა “იუვეს”?

ტურინში პაულო დიბალას აგენტების, ხორხე ანტუნისა და კარლოს ნოველისა და „იუვენტუსის“ წარმომადგენლებს შორის, რომელთა შორის ანდრეა ანიელიც იყო, ორწლიანი შეხვედრა გაიმართა.

განიხილეს კონტრაქტის განახლება, რაზეც მხარეებმა საბოლოოდ შეთანხმებას ვერ მიაღწიეს და არგენტინელი ფეხბურთელი კლუბს ზაფხულში თავისუფალი აგენტის სტატუსით დატოვებს. ეს უკვე გასაგებია, მაგრამ როგორ მივიდნენ მხარეები ამ გადაწყვეტილებამდე, მაშინ, როდესაც რამდენიმე თვის წინ კონტრაქტის განახლება შეთანხმებული იყო.

გასული წლის ნოემბერში მხარეები შეთანხმდნენ, რომ დიბალა კონტრაქტს 5 წლით გაახანგრძლივებდა და მისი ხელფასი სეზონში 8 მილიონი ევრო, პლუს ბონუსები იქნებოდა. თუმცა, ინფორმაციის ოფიციალურად დადასტურება მაშინ ბიუროკრატიული საკითხების გამო ვერ მოხერხდა.

თუმცა, დეკემბრიდან ყველაფერი შეიცვალა. დიბალამ ისევ ტრავმა მიიღო და მისმა მუდმივმა ფიზიკურმა პრობლემებმა ყველაფერზე გავლენა იქონია. ეს არის ფაქტორი, რომელიც „ბიანკონერის“ მხრიდან აშკარად შეფასდა. „იუვემ“ იანვარში ფსონი დუშან ვლაჰოვიჩზე დადო, რომელსაც 7-მილიონიანი კონტრაქტი გაუფორმა, პლუს ბონუსები.

„იუვენტუსმა“ ბოლო შეხვედრაზე დიბალას უფრო ხანმოკლე კონტრაქტი წარუდგინა (სამწლიანი ხუთწლიანის ნაცვლად), ხოლო ხელფასის სახით 6 მილიონი ევრო, პლუს ბონუსები, რაც მის ინდივიდუალურ თამაშზე იქნებოდა დამოკიდებული. „იუვეს“ არ სურდა ფეხბურთელთან ხუთწლიანი კონტრაქტის გაფორმება, რაც ფეხბურთელმა არ მიიღო და ამიტომ, მხარეები ივნისში ერთმანეთს დაემშვიდობებიან.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …