Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ ფეხბურთელი პოლ პოგბა ისევ ტრავმირებულია. მან მორიგი დაზიანება „სამპდორიასთან“ მატჩამდე მიიღო და დღეს სამედიცინო გამოკვლევა ჩაუტარდა.
იტალიური მედია წერს, რომ პოგბა მინიმუმ 20 დღე იუქმებს, შეიძლება მოედანზე 1 თვეც ვერ გავიდეს. სხვათა შორის, J Medical-იდან გამოსული პოგბა ფანებს ავტოგრაფებისთვის არ გაუჩერდა, უთხრა, რომ ამის თავი არ ჰქონდა. როგორც ჩანს, უკვე მას მენტალური პრობელემებიც გაუჩნდა.
სამედიცინო შემოწმება ჩაუტარდა ლეონარდო ბონუჩისაც, რომელიც „სამპასთან“ ტრავმის გამო შეცვალეს. მისი მდგომარეობა დღითიდღე უნდა შეფასდეს.
შეგახსენებთ, რომ პოლ პოგბამ მიმდინარე სეზონში მხოლოდ 35 წუთი ითამაშა და 35 მატჩი გაუცდა. თუ პრობლემები გაგრძელდა, შესაძლოა, მხარეებმა კონტრაქტი გაწყვიტონ.
