მთავარი / სიახლეები / ნედვედი: “ვიცოდით, რომ კოსტიჩი სოლიდური ფეხბურთელი იყო”

ნედვედი: “ვიცოდით, რომ კოსტიჩი სოლიდური ფეხბურთელი იყო”

ტურინის „იუვენტუსის“ ვიცე-პრეზიდენტმა პაველ ნედვედმა ევროპა ლიგის წილისყრა შეაფასა და გარდა ამისა, სხვადასხვა საკითხებზეც ისაუბრა.

„ნანტს“ 14 ტურის შემდეგ ლიგა 1-ში 12 ქულა აქვს, მაგრამ ეს არაფერს ნიშნავს, აქვთ დრო, რომ კარგად მოემზადებიან. მანამდე ჩვენც გვაქვს დრო, რომ რაღაცები გამოვასწოროთ.

ბოლო მატჩები ჩემპიონატში კარგად ჩავატარეთ, გოლიც არ გაგვიშვია. ტრავმების გამო იდეალური მდგომარეობა არ გვაქვს, მაგრამ ვინც მოედანზე იყო, ყველამ კარგად ითამაშა. კოსტიჩი? ვიცოდით, რომ სოლიდურ ფეხბურთელს ვიმატებდით. თავის მას გაუჭირდა სხვა ტიპის ჩემპიონატთან შეგუება, ბევრად უფრო ტაქტიკურთან. ახლა ის აჩვენებს, მისთვის იდეალურ პოზიციაზე როგორ შეუძლია თამაში.

გუნდში ახალგაზრდა ფეხბურთელებმა მნიშვნელოვანი სათამაშო დრო მიიღეს, მაგრამ ფაჯოლისა და მირეტის შემთხვევაში უნდა ითქვას, რომ მზა მოთამაშეები ვიპოვეთ, რომლებიც „იუვეს“ ნაწილი იქნებიან. პოგბას, კიეზასა და დი მარიას დაბრუნებით შეგვიძლია ბევრი რამისთვის ვიბრძოლოთ. სანაკრებო პაუზა შეიძლება ძალიან დაგვეხმაროს. მინდა მადლობა გადავუხადო ყველას, ვინც ახალგაზრდულ სექტორში მუშაობს.

კერუბინიმ და მისმა გუნდმა ძალიან კარგად იმუშავეს. მეორე გუნდის ყოლა ძალიან მნიშვნელოვანია, ბიჭები უფრო მეტად მზად არიან მთავარი გუნდისთვის. იანვრის სატრანსფერო ბაზარი? ძალიან საინტერესო ფანჯარა იქნება, მაგრამ არა ჩვენთვის. გუნდში გვყავს ფეხბურთელები, რომელთაც მიმდინარე სეზონის კარგად ჩატარება შეუძლიათ“, – თქვა ნედვედმა.

შემთხვევითი სიახლე

როველა გვარდიოლას მოსწონს – ვითარება “იუვეს” ნახევარდაცვაში და პერსპექტივები

ტურინის „იუვენტუსის“ ნახევარმცველი ნიკოლო როველა მიმდინარე სეზონს იჯარით „მონცაში“ ატარებს, თუმცა, ის ერთ-ერთი ყველაზე პერსპექტიული …

“იუვენტუსი” 6 დეკემბერს შეიკრიბება, ორი ამხანგური მატჩიც დაიგეგმა

ტურინის „იუვენტუსი“ მსოფლიოს ჩემპიონატით გამოწვეულ თვესა და 3 კვირას გამოიყენებს და შეკრებას გაივლის, რომლის ფარგლებში …