Juventus.Ge ტურინის იუვენტუსის ქართული ფან კლუბი
ტურინის „იუვენტუსი“ სატრანსფერო ბაზარზე ვერ აქტიურობს. კრიშტიანუ რონალდუს მომავალი ბუნდოვანია და ამის გარეშე ტურინული გრანდი ვერ ახერხებს დაგეგმოს სატრანსფერო კამპანია.
აქამდე ერთადერთი მანუელ ლოკატელის ტრანსფერზე მუშაობა იყო გადაწყვეტილი და მოლაპარაკებები დაწყებულია კიდეც, მაგრამ ბოლო ცნობები ამ თემასთან დაკავშირებით აშკარად ნეგატიურია.
ცნობილი იტალიელი ჟურნალისტი პაოლო პაგანინი ტვიტერში წერს, რომ ლოკატელის ტრანსფერს აარონ რემზი აფერხებს. უელსელს „იუვეს“ დატოვება არ სურს და თუ ის კლუბს ვერ დატოვებს, ტურინულ კლუბს ფინანსური კრიზისი დროს ლოკატელის გუნდში მოყვანა გაუჭირდება.
აღსანიშნავია, რომ 23 წლის იტალიელს „არსენალი“ და „დორტმუნდი“ სერიოზულად იწვევენ და არაა გამორიცხული ეს კლუბები მისთვის ბრძოლაში სულ მალე დაწინაურდნენ.
