მთავარი / სიახლეები / ლოკატელის ტრანსფერზე “სასუოლოსთან” შეხვედრა გაიმართა

ლოკატელის ტრანსფერზე “სასუოლოსთან” შეხვედრა გაიმართა

ტურინის „იუვენტუსის“ სპორტული დირექტორი ფედერიკო კერუბინი „სასუოლოს“ სპორტულ დირექტორ ჯანი კარნევალეს შეხვდა. მიზეზი რა თქმა უნდა, მანუელ ლოკატელია.

იტალიური მედიის ცნობით, მხარეებს შორის დისტანცია კვლავ რჩება და შეთანხმება მიღწეული არაა, მაგრამ საფუძველი მაინც არსებობს ოპტიმიზისთვის. ლოკატელის მხოლოდ „იუვენტუსში“ გადასვლა უნდა და ფეხბურთელის დიდი სურვილი ტრანსფერის წარმატებით დახურვის მთავარი საწინდარია.

იტალიური მედიის ცნობით, „იუვენტუსმა“ „სასუოლოს“ 30 მილიონი შესთავაზა. გარდა ამისა, ტურინელთა სურვილია ზუსტად იგივე ფორმულა გამოიყენონ, რაც ფედერიკო კიეზას შემთხვევაში გამოიყენეს – ორწლიანი იჯარა გამოსყიდვის ვალდებულებით. “სასუოლომ” 30-მილიონიანი შეთავაზება უკვე უარყო, მათ არც ტრანსფერის ფორმულა მოსწონთ, რადგან “არსენალი” 40 მილიონს პირდაპირ იხდის.

თუმცა როგორც ვთქვით, ლოკატელის „იუვეში“ თამაში სურს, რაც გარიგებაზე ყოველშემთხვევაში ჯერჯერობით გავლენას ახდენს. ამიტომაც, მხარეები კვლავ შეხვდებიან ერთმანეთს, მაგრამ ფაქტია, “იუვენტუსს” სხვა წინადადების წარდგენა მოუწევს, ან იტალიელ ფეხბურთელს დაკარგავს.

მხარეები უახლოეს დღეებში კიდევ ერთხელ შეხვდებიან და შესაძლოა, ყველაფერი იმ შეხვედრაზე გადაწყდეს.

შემთხვევითი სიახლე

ოფიციალურად: პადოინი ალეგრის სტაფში იმუშავებს

ტურინის „იუვენტუსში“ სიმონე პადოინი დაბრუნდა, რომელიც მასიმილია ალეგრის სამწვრთნელო შტაბში იმუშავებს. ინფორმაცია იტალიურმა გუნდმა ოფიციალურად …

ფოსკი: “კიეზა უკვე მამამისზე უკეთესი ფეხბურთელია”

„პალერმოსა“ და „ჩეზენას“ ყოფილმა სპორტულმა დირექტორმა რინო ფოსკიმ პაულო დიბალაზე ისაუბრა, როდესაც ის 2015 წელს …