“იუვენტუსმა” ლოკატელი გამოისყიდა

მანუელ ლოკატელი ახლა უკვე „იუვენტუსის“ სრულფასოვანი ფეხბურთელია. „სალერნიტანასთან“ მატჩის შემდეგ „სასუოლოდან“ მისი გამოსყიდვის ვალდებულება ავტომატურად გააქტიურდა.

მოგეხსენებათ, ლოკატელი აქამდე „ბებერ ქალბატონში“ იჯარით თამაშობდა, თუმცა ამიერიდან მისი კონტრაქტი ტურინულ გრანდს ეკუთვნის.

მანუელ ლოკატელის სანაცვლოდ „იუვენტუსი“ „სასუოლოს“ 25 მილიონ ევროს სამი ფინანსური წლის განმავლობაში გადაუხდის, რასაც შეიძლება დაემატოს 12.5 მილიონი ბონუსების სახით გარკვეული სპორტული შედეგების მიღწევის შემთხვევაში.

შეგახსენებთ, რომ ლოკატელის „იუვენტუსის“ მაისურით 2021 წლიდან 68 მატჩში 3 გოლი აქვს გატანილი და 5-ჯერ საგოლე პასი გააკეთა. იტალიელი ფეხბურთელი მანამდე „სასუოლოსა“ და „მილანში“ თამაშობდა, იტალიის ნაკრებში კი 24 შეხვედრაში თავი სამჯერ გამოიჩინა და ევროპის ჩემპიონი გახდა.