მთავარი / სიახლეები / ვლაჰოვიჩი: “ჩემი თამაშით კმაყოფილი არ ვარ, მეტის გაკეთება შემეძლო”

ვლაჰოვიჩი: “ჩემი თამაშით კმაყოფილი არ ვარ, მეტის გაკეთება შემეძლო”

ტურინის „იუვენტუსის“ თავდამსხმელმა დუშან ვლაჰოვიჩმა ჰაიფას „მაკაბისთან“ გამარჯვების (3:1) შემდეგ ისაუბრა და თქვა, რომ თავისი თამაშით უკმაყოფილოა.

„გაშვებული გოლი რთული ასახსნელია. მოედანზე კონცენტრირებული და მონდომებულები გავედით, პირადად მე შემეძლო უკეთ თამაში და მეტის გაკეთება, არ ვარ კმაყოფილი, მიუხედავად იმისა, რომ გოლის გატანა მნიშვნელოვანი იყო. თუმცა, მთავარი გამარჯვებაა, ჩვენ ეს გავაკეთეთ და უნდა გავაგრძელოთ მუშაობა, ჩუმად და თავდახრილებმა, თავმდაბლობით.

დი მარიასთან თამაში? ის ფეხბურთის გენიოსია, პატივია მასთან ყოველდღე თამაში და მისგან ბევრი რამის სწავლაა შესაძლებელი“, – თქვა ვლაჰოვიჩმა.

შეგახსენებთ, რომ „იუვენტუსს“ სამ ტურში 3 ქულა აქვს, პსჟ-სა და „ბენფიკას“ დუეტს 4-4 ქულით ჩამორჩება, მომდევნო ტურში კი „მაკაბის“ სტუმრად შეხვდება. მანამდე მასიმილიანო ალეგრის გუნდი 8 ოქტომბერს, „მილანს“ „სან სიროზე“ დაუპირისპირდება.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …