ვეტერანი მსაჯი: “რაბიოს გოლი უნდა ჩათვლილიყო”

ვეტერანმა მსაჯმა ლუკა მარელიმ „იუვენტუსისა“ და „ფრაიბურგის“ მატჩში საკამათო ეპიზოდები გაარჩია. მან თქვა, რომ გერმანელთა გოლი სამართლიანად გაუქმდა, ხოლო „იუვეს“ გოლი პირველ ტაიმში მსაჯს უნდა ჩაეთვალა.

„ფრაიბურგის“ გოლი? უდავოა, რომ პასი ხელით თამაშით გაკეთდა და სამართლიანად არ ჩაითვალა. დაცვაში ეს ჯარიმა არ იქნებოდა, მაგრამ შეტევაში ასეთი ხელი ჯარიმაა. პირველ ტაიმში რაბიოს გოლი ჩასათვლელი იყო. ლოკატელიმ ბურთზე ითამაშა და ჯარიმა არ იყო, მსაჯმა ნაადრევად დასტვინა“, – თქვა მარელიმ.

შეგახსენებთ, რომ „იუვენტუსი“ მომდევნო მატჩს 12 მარტს, შინ გენუის „სამპდორიასთან“ გამართავს, ხოლო „ფრაიბურგს“ ერთი კვირის შემდეგ სტუმრად დაუპირისპირდება.