მთავარი / სიახლეები / ალეგრი: “იტალიაში 2-3 თამაშის შემდეგ 20 წლის ბიჭები ჩემპიონები გვგონია”

ალეგრი: “იტალიაში 2-3 თამაშის შემდეგ 20 წლის ბიჭები ჩემპიონები გვგონია”

ტურინის „იუვენტუსის“ მთავარმა მწვრთნელმა მასიმილიანო ალეგრიმ განაცხადა, რომ იტალიაში 20 წლის ფეხბურთელებს ორი-სამი თამაშის შემდეგ ნამდვილ ჩემპიონებად მიიჩნევენ, თუმცა ეს შეცდომაა. ალეგრი ფიქრობს, რომ 20 წლის მოთამაშე შეუძლებელია 28 წლის ფეხბურთელივით შემდგარი იყოს.

„უკვე რამდენიმე წელია იტალიაში არის ტენდეცია, რომ ბავშვები 2-3 თამაშის შემდეგ ნამდვილ ჩემპიონებად შერაცხონ, მაგრამ ამით მათ არ ვეხმარებით. 20 წლის ასაკში მოთამაშეს არ შეიძლება ჰქონდეს 28 წლის ფეხბურთელის სიმწიფე.

გამარჯვება ყველა კარგია, არ ვიცი, როგორ ავირჩიო. მახსოვს პირველი ჩემპიონობა სერია C-ში „სასუოლოსთან“ ერთად და პირველი სკუდეტო „მილანში“. დამარცხებები ყველა ცუდია, ზოგიერთი უფრო მეტად, რადგან შინაგან სიცარიელეს ტოვებს. ეჭვები გიჩნდება, რომ უფრო მეტის გაკეთება შეგეძლო.

„მილანში“ მესამე სეზონი და „იუვენტუსში“ მეორე სეზონი ძალიან ცუდად დავიწყეთ, მიუხედავად იმისა, რომ ბევრს ვმუშაობდით, მომენტებს ვერ ვიყენებდით. შემდეგ ორივე შემთხვევაში ყველაფერი გამოსწორდა და საქმეები უკეთ წავიდა“, – თქვა ალეგრიმ.

შემთხვევითი სიახლე

ესპანური მედია: “იუვენტუსს” ჟორდი ალბას ტრანსფერი სურს

ტურინის „იუვენტუსი“ მომდევნო სეზონისთვის მარცხენა მცველს ეძებს, რადგან ალექს სანდროს კონტრაქტი ეწურება და მასთან თანამშრომლობის …

“იუვენტუსში” სექტემბრის MVP მატია პერინი გახდა

ტურინის „იუვენტუსის“ სექტემბრის საუკეთესო ფეხბურთელად მატია პერინი დასახელდა. იტალიელმა მეკარემ ფანებისგან ყველაზე მეტი ხმა მიიღო …