ჟოაუ კანსელუ ძალიან ახლოსაა „იუვენტუსის“ დატოვებასთან. პორტუგალიური Record-ის ინფორმაციით, კანსელუ „მანჩესტერ სიტიში“ გადავა.
მიუხედავად იმისა, რომ მასიმილიანო ალეგრის გუნდიდან წასვლის შემდეგ კანსელუს შენარჩუნება პრიორიტეტი უნდა ყოფილიყო, როგორც ჩანს, ამან ვითარება ვერ შეცვალა.
„სიტი“ 24 წლის ფეხბურთელში 60 მილიონ ევროს იხდის, რაც 20-ით მეტია, ვიდრე „იუვემ“ მის სანაცვლოდ „ვალენსიას“ გადაუხადა.
მიმდინარე სეზონში კანსელუმ „იუვეს“ რიგებში 34 თამაში ჩაატარა, 1 გოლი გაიტანა და 8 საგოლე პასი მიითვალა.