ტურინის „იუვენტუსის“ ტელევიზიასთან საუბარში დავიდ ტრეზეგემ „იუვეში“ გატარებული პერიოდი გაიხსენა. ფრანგის განცხადებით, ყველაზე მნიშვნელოვანი გოლი 2005 წლის მაისში „სან სიროზე“ „მილანს“ გაუტანა და მის გუნდს 1:0 მოაგებინა.
ყველაზე გამორჩეულ თამაშად კი მადრიდის „რეალთან“ 2003 წლის დაპირისპირება დაასახელა.
„2007 წელს, „ტორინოსთან“ 94-ე წუთზე გატანილი გოლი ძალიან მნიშვნელოვანი იყო, მაგრამ ემოციურად ყველაზე ძლიერი 2005 წელს, „სან სიროზე“ „მილანთან“ გოლი გახლდათ, რომელმაც ძლიერი გუნდის წინააღმდეგ გამარჯვება მოგვიტანა.
„იუვენტუსთან“ ჩემი ისტორია ძალიან მნიშვნელოვანია. ევრო 2000-ის შემდეგ პირველი ნაბიჯები ადვილი არ ყოფილა. მე შევხვდი ძალიან დიდი ფეხბურთელებს და მწვრთნელებს, ეს რა თქმა უნდა, ჩემი კარიერის ყველაზე მნიშვნელოვანი ნაბიჯი გახლდათ.
ჩემპიონთა ლიგაზე „რეალთან“ 2002-2003 წლების სეზონის თამაშს გამოვარჩევ. მეორე შეხვედრა ფანტასტიკურად ჩავატარეთ და პირველი მატჩის წაგების შემდეგ ფინალში გავედით. ჩემთვის ეს თამაში უნიკალურია“, – აღნიშნა ტრეზეგემ.