შჩესნი: “გვინდა ლამაზი ფეხბურთი ვითამაშოთ”

ტურინის „იუვენტუსის“ მთავარმა მწვრთნელმა მაურიციო სარიმ „ინტერთან“ მატჩისწინა პრესკონფერენციაზე ვოიჩეხ შჩესნი ისახლა.

პოლონელმა მეკარემ ისაუბრა ხვალინდელი მატჩის, ჯიჯი ბუფონისა და მატეის დე ლიხტის ტრანსფერების შესახებ.

„ნანძინგში ძალიან ცხელა, მაგრამ ულამაზესი ქალაქია და ბევრი ქომაგი დაგვხვდა. ვეცდებით, რომ ხვალ ლამაზი ფეხბურთი ვითამაშოთ, უფრო მაღლა ვიყოთ ბურთთან ერთად და ასეთ ვითარებაში მეკარის როლიც იცვლება, რადგან გუნდს უნდა დაეხმაროს ბურთის გათამაშებაში. უნდა ვიპოვოთ სწორი ბალანსი, მაგრამ ამაზე ვმუშაობთ.

ბუფონი? ბედნიერი ვარ, რომ დაბრუნდა, ყველამ ვიცით მისი მნიშვნელობა. ორი წელია მასთან შესანიშნავი ურთიერთობა მაქვს, ახლა ისევ ჩვენთან ერთადაა და ჩემი აზრით, კლუბის მხრიდან ის დიდებული შენაძენია.

დე ლიხტი? ძალიან ახალგაზრდა ბიჭია და ვცდილობთ, რომ დავეხმაროთ. შესანიშნავი მცველია და დარწმუნებული ვარ აქ, „იუვენტუსში“ დიდი მომავალი ელოდება“, – თქვა შჩესნიმ.