ლეგა სერია A-ს პრეზიდენტმ პაოლო დალ პინომ მილანის „ინტერის“ ხელმძღვანელობას შეუტია. „ნერაძურის“ აღმასრულებელმა დირექტორმა ჯუზეპე მაროტამ განაცხადა, რომ „იუვენტუსთან“ შეხვედრის გადადება ტურინელებს აწყობდათ და ჩემპიონატი გააყალბეს.
დალ პინომ მაროტას შეტევას შეტევითვე უპასუხა და თქვა, რომ ისინი მაყურებლებით თამაშზე კატეგორიული წინააღმდეგნი იყვნენ და მხოლოდ კვირას, უმაყურებლოდ სურდათ თამაშის ჩატარება.
„პარასკევს აღმასრულებულ დირექტორ დე სიერვოსთან ერთად „ინტერს“ შევთავაზეთ, რომ ორშაბათ საღამოს მაყურებლებით ეთამაშათ ტურინში. მათგან კატეგორიული უარი მივიღეთ, ახლა კი დროა თავად აიღონ პასუსისხმგებლობა და გაყალბებულ ჩემპიონატზე ნუ ლაპარაკობენ!“, – თქვა დალ პინომ.
„ინტერის“ მხრიდან აგორებული კამპანია, აშკარად ჰგავს წინასწარ განზრახულს. „იუვენტუსის“ თამაშის გარდა, კიდევ ოთხი თამაში გადაიდო, გარდა ამისა, წინა ტურში „ინტერი“ – „სამპდორია“ და ტურინში, „ტორინოს“ მატჩიც გადაიდო.