ტურინის „იუვენტუსის“ ნახევარმცველი სამი ხედირა ისევ დაშავდა. როგორც „ბიანკონერის“ ვებგვერდი იტყობინება, გერმანელმა ფეხბურთელმა ბოლო ვარჯიშზე ტერფი დაიზიანა.
ხედირა დიდი ალბათობით, უახლოეს შეხვედრაში, რომელსაც „იუვე“ „სპალის“ წინააღმდეგ ჩაატარებს, ვერ ითამაშებს.
აღსანიშნავია, რომ ხედირამ მიმდინარე სეზონში, რომელიც სულ რაღაც სამი თვის დაწყებულია, ტრავმა მეოთხედ მიიღო.