Juventus.Ge ტურინის იუვენტუსის ქართული ფან კლუბი
ერლინგ ჰოლანდი საფეხბურთო სამყაროში ახლა ყველაზე დიდ ყურადღებას იქცევს და რასაც მიმდინარე სეზონში აკეთებს, შესაძლოა დაუჯერებელიც იყოს.
Tuttosport-ი კი, წარსულს და კერძოდ, 2017 წლის მიწურულს იხსენებს, როდესაც „იუვენტუსი“ ახლოს იყო ნორვეგიელის შეძენასთან, მაგრამ გარიგება არ შედგა.
როგორც ტურინული გამოცემა წერს, ჰოლანდი, მამამისი და მისი აგენტები პედერსენი და სპინოზი ტურინში იმყოფებოდნენ. ისინი ვინოვოს ბაზასაც ესტუმრნენ, სადაც ფაბიო პარატიჩისა და პაველ ნედვედს შეხვდნენ.
ცხადია, შეხვედრის მიზეზი ჰოლანდის ტრანსფერი იყო, მაგრამ ყველაფერი ჩაიშალა. ერლინგის მაშინდელმა გუნდმა „მიოლდემ“ წელიწადში 3.8 მილიონი ევრო მოთხოვა, რაც „იუვენტუსის“ ხელმძღვანელობას ეძვირა და შედეგად, მოლაპარაკებები გაწყვიტეს.
საბოლოოდ, ჰოლანდი ჯერ „ზალცბურგში“, მერე „დორტმუნდში“ აღმოჩნდა და როგორ თამაშობს, ბევრი შეხსენება არ სჭირდება.
