რაბიო: “სამუშაო ძალიან ბევრი გვაქვს”

ტურინის „იუვენტუსში“ „ტოტენჰემის“ წინააღმდეგ ადრიენ რაბიოს დებიუტი შედგა. ფრანგმა ფეხბურთელმა განვლილი თამაში შეაფასა.

„მთლიანობაში კარგი თამაში იყო. პირველ ტაიმში პრობლემები გვქონდა, მაგრამ ჩვენს წინააღმდეგ მაღალი დონის გუნდი თამაშობდა, რომელმაც მზადება ჩვენზე გაცილებით ადრე დაიწყო. განსაკუთრებით ფიზიკურ კონდიციებში. მეორე ნახევარში ბურთი უფრო ხშირად გვქონდა და უფრო გუნდურად ვთამაშობდით. გოლების წყალობითაც მოვუმატეთ. ეს პირველი თამაში იყო და შესაბამისად, სამუშაო ბევრია.

ფიზიკური თვალსაზრისით მომატება მჭირდება, მაგრამ პირველი მატჩის კვალობაზე თავს კარგად ვგრძნობდი. თანაგუნდელებს გავუგე და მწვრთნელისიც კარგად მესმის რას ითხოვს ჩემგან“, – თქვა რაბიომ.

შეგახსენებთ, რომ „იუვენტუსი“ მომდევნო ამხანაგურ მატჩს 24 ივლისს, „ინტერთან“ ჩაატარებს.