ტურინის „იუვენტუსის“ რიგებში ნიჭიერ ნახევარმცველ მანოლო პორტანოვას „სამპდორიასთან“ (0:2) დებიუტი ჰქონდა. ახალგაზრდა ფეხბურთელი დებიუტით ბედნიერი იყო.
„ჩემთვის ეს დაუვიწყარი დღეა. სამწუხაროა, რომ წავაგეთ, მაგრამ ბედნიერი ვარ, რადგან დრო დამეთმო. ეს სეზონი ჩემთვის საუკეთესოა და ვიმედოვნებ, ეს დასაწყისია. მამაჩემმა მირჩია, რომ მოედანზე შესვლის დროს შიში არ მქონოდა და მისი სიტყვები გავითვალისწინე. მოედანზე შესვლის მომენტში სტადიონს ვუყურებდი, მერე კი მხოლოდ თამაშზე ვფიქობდი“, – თქვა პორტანოვამ.
შეგახსენებთ, რომ „იუვენტუსმა“ სეზონი 90 ქულით დაასრულა და ჩემპიონი გახდა.