ტურინის „იუვენტუსის“ ახალწვეულმა ლუკა პელეგრინიმ „ბებერი სინიორას“ ფეხბურთელის რანგში პირველი კომენტარი გააკეთა. როგორც მან თქვა, მისთვის პატივია „იუვენტუსში“ თამაში.
„დღეიდან ჩემთვის ახალი გზა იწყება, რომელსაც ენთუზიაზმით გავივლი. ჩემთვის პატივია, რომ იტალიის ყველაზე ტიტულოვანი გუნდის ნაწილი გავხდი. მოუთმენლად ველოდები ამ ახალი გზის დაწყებას“, – დაწერა პელგრინიმ სოციალურ ქსელში.
შეგახსენებთ, რომ 20 წლის ფეხბურთელმა გუშინ „იუვესთან“ 4-წლიანი კონტრაქტი გააფორმა.