მთავარი / სიახლეები / პარატიჩი: “სარი “ლიონამდე” შევაფასეთ, პირლო სიდიადისთვის განწირულია”

პარატიჩი: “სარი “ლიონამდე” შევაფასეთ, პირლო სიდიადისთვის განწირულია”

ტურინის „იუვენტუსის“ სპორტულმა დირექტორმა ფაბიო პარატიჩიმ მაურიციო სარის გათავისუფლებისა და ანდრეა პირლოს დანიშვნის შესახებ ისაუბრა. მისი თქმით, სარის თაობაზე გადაწყვეტილება „ლიონთან“ მატჩამდე მიიღეს, ხოლო პირლო იმიტომ დანიშნეს, რომ იუვენტუსთან მჭიდრო და ძალიან კარგი ურთიერთობა აქვს და მასში დიდ მომავალს ხედავენ.

„ჩვენი შეფასებები სეზონის შედეგია და არა ერთი მატჩის შედეგი, რომელიც ჯერ კიდევ „ლიონთან“ მატჩამდე გავაკეთეთ. სეზონები გრძელია და მრავალი მომენტისგან შედგება. ეს იყო ძალიან გრძელი და ძალიან რთული სეზონის შედეგი. ჩვენ მივედით ამ გადაწყვეტილებამდე სკუდეტოს მოგების მიუხედავად.

პირლოს არჩევანი იუვენტუსიდან გამომდინარე მიღებული გადაწყვეტილებაა. ის ჩვენთან ყოველთვის კონტაქტზე იყო, ვფიქრობთ, რომ მწვრთნელის რანგში სიდიადისთვის იყოს განწირული, როგორც ფეხბურთელი იყო.

ევროტურნირი არ არის საზომი, ეს არის მოსაზრებები, რომლებიც წარმოიქმნება მთელი სეზონის განმავლობაში. ალეგრიზე შეფასებები განსხვავებული იყო, მას გაცილებით გრძელი გზა ჰქონდა. მეოთხედფინალში ან მერვედფინალში კვალიფიცირება არ წყვეტს ასეთ საკითხებს.

ჩვენ ჯერ კიდევ არაკონტროლირებად ტერიტორიაზე ვართ. არავის ჰქონია ასეთი გრძელი ციკლი, ჩვენ უკვე მესამე ციკლში ვართ, ორჯერ ჩემპიონთა ლიგის ფინალშიც გავედით. ეს მოწმობს გაწეულ სამუშაობზე. გასულ წელს „ბაიერნი“ მეოთხედფინალში გავარდა და სეზონის ჩავარდნაზე საუბრობდნენ, ისევე როგორც ჩვენ. წელს „სიტი“ ჩემპიონთა ლიგაზეა, მაგრამ „ლივერპულს“ 25 ქულით ჩამორჩა. ჩვენ ყველას პატივს ვცემთ, ჩვენ კარგად ვიცით, რომ გარკვეული ტურნირები დაკავშირებულია ეპიზოდებთან. გასულ წელს „აიაქსთან“ ძალიან დიდი დანაკლისით ვითამაშეთ, „რეალმა“ კი ზედიზედ სამი ფინალი იდენტური შემადგენლობით ითამაშა. ეს ადვილი არაა.

„რომაში“ ჩემი გადასვლა? ყველა კლუბის პატივისცემა საჭიროა და „რომა“ მნიშვნელოვანი კლუბია, მაგრამ აქ 10 წელია ვარ, თავს კარგად ვგრძნობ, პროფესიონალ ადამიანებთან ერთად ვმუშაობ.

თავის თავში ანდრეამ მწვრთნელის საქმე ისე უნდა შეასრულოს, როგორც ეს ფეხბურთელმა შეასრულა. ის იყო შესანიშნავი ნახევარმცველი, მას აქვს თავისი იდეა და ხედვა. ჩვენ ვენდობით მას, ადამიანობა პროფესიონალიზმზე უფრო მნიშვნელოვანია“, – თქვა პარატიჩიმ.

შეგახსენებთ, რომ ანდრეა პირლომ „იუვენტუსთან“ კონტრაქტი 2022 წლამდე გააფორმა.

შემთხვევითი სიახლე

“იუვემ” და “ბარსელონამ” შესაძლოა ფეხბურთელები გაცვალონ

ტურინის „იუვენტუსმა“ და კატალონიის „ბარსელონამ“ შესაძლოა ფეხბურთელები გაცვალონ. როგორც Tuttosport-ი წერს, მხარეები დუგლას კოშტასა და …

პიანიჩი: “რონალდუმ მითხრა, რომ “ბარსელონაში” ბედნიერი ვიქნებოდი”

ტურინის „იუვენტუსის“ ყოფილმა და ახლა უკვე „ბარსელონას“ ფეხბურთელმა მირალემ პიანიჩმა Mundo Deportivo-ს ინტერვიუ მისცა, რომელშიც …