ტურინის „იუვენტუსის“ სპორტულმა დირექტორმა ფაბიო პარატიჩიმ მიმდინარე სატრანსფერო პერიოდში მერიჰ დემირალის შემცვლელის ყიდვა გამორიცხა.
„დემირალის შემცველის ყიდვა? არა, უკვე რამდენჯერმე ვთქვი. ჩვენი შემადგენლობა დაკომპლექტებულია და ძლიერი მცველები გვყავს. იმედია, ჯორჯოც (კიელინი) მალე დაგვიბრუნდება და ასე კმაყოფილები ვართ“, – თქვა პარატიჩიმ.
შეგახსენებთ, რომ ამ დროისთვის „იუვენტუსში“ მხოლოდ სამი ცენტრალური მცველია – ლეონარდო ბონუჩი, მატიას დე ლიხტი და დანიელე რუგანი.