მთავარი / სიახლეები / პარატიჩი: “მატუიდისთან და კუადრადოსთან კონტრაქტის გახანგრძლივება იგეგმება”

პარატიჩი: “მატუიდისთან და კუადრადოსთან კონტრაქტის გახანგრძლივება იგეგმება”

ტურინის „იუვენტუსის“ სპორტულმა დირექტორმა ფაბიო პარატიჩიმ ფეხბურთელების შესახებ ისაუბრა. პარატიჩიმ დაადასტურა, რომ ხუან კუადრადოსთან და ბლეზ მატუიდისთან კონტრაქტების გახანგრძლივება იგეგმება.

„ჩვენ ძალიან პოზიტიურად ვარ განწყობილი მატუიდისა და კუადრადოს კონტრაქტების გახანგრძლივების საკითხზე. ნამდვილად იგეგმება მათთან არსებული ხელშეკრულებების გაგრძელება.

მანჯუკიჩი „მანჩესტერში“? ჯერჯერობით არ ვიცით, შესაძლოა მისი აგენტები ამ მომენტში მოლაპარაკებებს აწარმოებენ. პიაცა და პერინი იანვარში გუნდს დატოვებენ სათამაშო პრაქტიკის მისაღებად.

დე ლიხტი? როდესაც ნედვედი „ლაციოდან“ „იუვეში“ გადავიდა, რამდენიმე თვე პრობლემა ჰქონდა ადაპტაციასთან დაკავშირებით. მატიასი დიდ სიამოვნებას მოგვიტანს. რაბიოსაც დრო სჭირდება, რადგან ჩვენთან ხანგრძლივი უთამაშებლობით მოვიდა.

შემადგენლობა უკვე დაკომპლექტებულია, ევროპაში ერთ-ერთი საუკეთესოა. ასევე გამოვრიცხავ ფლანგის მცველის ყიდვას, მაგრამ სატრანსფერო ბაზარი უცნაურია: კიელინის ტრავმამდე ერთი დღით ადრე, რუგანის გაყიდვას ვაპირებდით, შემდეგ კი, სირთულის წინაშე დავდექით“, – თქვა პარატიჩიმ.

შემთხვევითი სიახლე

კიელინი: “ბონუჩის “მილანში” წასვლა ალოგიკური გადაწყვეტილება იყო”

ტურინის „იუვენტუსის“ კაპიტანმა ჯორჯო კიელინიმ ავტობიოგრაფიულ წიგნში „მე ჯორჯო“, ლეონარდო ბონუჩის „მილანში“ გადასვლის შესახებ ისაუბრა. …

სეტიენი: “პიანიჩი შესანიშნავი ფეხბურთელია”

მირალემ პიანიჩის „ბარსელონაში“ შესაძლო ტრანსფერზე კომენტარი კატალონელთა მთავარმა მწვრთნელმა კიკე სეტიენმა გააკეთა. ესპანელის განცხადებით, პიანიჩი …