მთავარი / სიახლეები / პარატიჩი ლისაბონში ორ ფეხბურთელს დააკვირდება

პარატიჩი ლისაბონში ორ ფეხბურთელს დააკვირდება

ტურინის „იუვენტუსის“ სპოტული დირექტორი ფაბიო პარატიჩი პორტუგალიის დედაქალაქ ლისაბონში გაფრინდა. ბუნებრივია, დასასვენებლად არა – სამუშაოდ.

იტალიური მედიის ცნობით, პარატიჩი ორშაბათს პორტუგალიისა და სერბეთის მატჩს დაესწრება და ორი ფეხბურთელის თამაშს დააკვირდება. „იუვეს“ თვალთახედვის არეში ლისაბონის „ბენფიკას“ ტალანტები, შემტევი ჟოაუ ფელიში და მცველი რუბენ დიაში არიან.

ფელიში პორტუგალიაში იმედისმომცემ ფეხბურთელად ითვლება და ბევრი კრიშტიანუ რონალდუს მემკვიდრედაც მოიხსენიებს, ხოლო რუბენ დიაში ცენტრალური მცველია და „იუვენტუსს“ დაცვის გაახალგაზრდავება აქვს გადაწყვეტილი.

ჯერჯერობით, სხვა კონკრეტული და დეტალური ინფორმაცია არ ვრცელდება. თუმცა აპენინელი ჟურნალისტების ვარაუდით, კრიშტიანუ რონალდუსა და ჟოაუ კანსელუს შემდეგ ტურინელთათვის პორტუგალიური ბაზარი ძალზე მოთხოვნადი გახდა.

შემთხვევითი სიახლე

ესპანური მედია: “იუვენტუსს” ჟორდი ალბას ტრანსფერი სურს

ტურინის „იუვენტუსი“ მომდევნო სეზონისთვის მარცხენა მცველს ეძებს, რადგან ალექს სანდროს კონტრაქტი ეწურება და მასთან თანამშრომლობის …

“იუვენტუსში” სექტემბრის MVP მატია პერინი გახდა

ტურინის „იუვენტუსის“ სექტემბრის საუკეთესო ფეხბურთელად მატია პერინი დასახელდა. იტალიელმა მეკარემ ფანებისგან ყველაზე მეტი ხმა მიიღო …