ოფიციალურად: “იუვემ” რომეროს კონტრაქტი გაუფორმა და გაანათხოვრა

ტურინის „იუვენტუსმა“ „ჯენოადან“ კრისტიან რომეროს ტრანსფერი ოფიციალურად დაადასტურა.

ახალგაზრდა არგენტინელის სანაცვლოდ „იუვემ“ 26 მილიონი ევრო გაიღო, ხოლო ფეხბურთელს 5-წლიანი კონტრაქტი გაუფორმა.

თუმცა, 2019-2020 წლების სეზონში რომერო „იუვენტუსში“ მაინც არ ითამაშებს, რადგან შეთანხმების საფუძველზე „ჯენოას“ დაუბრუნდა და დამდეგ სეზონს ლიგურიაში იჯარის წესით ჩაატარებს.

კრისტიან რომერომ გასულ სეზონში სერია A-ში 27 თამაში ჩაატარა, 2 გოლი გაიტანა და 2 საგოლე პასი მიითვალა.