ესპანეთის ნაკრების შეკრებაზე მყოფმა ალვარო მორატამ კომენტარი გააკეთა და თქვა, რომ „იუვენტუსში“ გადასვლა საუკეთესო გადაწყვეტილება იყო.
„ყველას აქვს საკუთარი ვარიანტები და იმ მომენტში ყველაზე კარგი „იუვენტუსში“ წასვლა იყო. დიდი ხანი იყო მას შემდეგ გასული, რაც 70 წუთზე მეტი ზედიზედ 6 თამაში არ მითამაშია. ბავშვობიდან „ატლეტიკოს“ ქომაგი ვარ და ამ გუნდის მადლობელი ვარ. არასდროს მითქვამს, რომ იქ ცუდად ვიყავი.
ბოლო დროს ბევრი გოლი გამიუქმეს თამაშგარე მდგომარეობის გამო. „ბარსელონას“ წინააღმდეგ შესანიშნავად ვითამაშე, მაგრამ თამაშგარეში ვიყავი. მესამე გოლის დროს ბუსკეტსმა მითხრა, რომ მისი აზრით, თამაშგარე არ იყო.
კარიერის დასრულება „ხეტაფეში“ მინდა. მე ამ გუნდის პრეზიდენტთან ვმეგობრობ, მსურს კარიერა იქ დავასრულო“, – თქვა მორატამ.
შეგახსენებთ, რომ მიმდინარე სეზონში ალვარო მორატას 6 გოლი აქვს გატანილი. 6 გოლი კი არ ჩაუთვალეს.